Sut cumintzadas in Giave sas ripresas de su film “Le scarpe nascoste” de Rolando Colla, unu film, prodùsiu dae Peacock e TDP,  chi contat s’emigratzione sarda a sa fine de sos annos 60, candu James Schwartzenbach fiat a sa ghia de su partidu de destra chi nche cheriat bogare dae Isvitzera sos immigrados. S’istòria contat prus che totu su chi acuntessiat a sos pipios, custrintos a si cuare in sas domos de sos istagionales, chi non teniant su permissu de nche leare cun issos sos fìgios o sas famìllias.